Día da nai 2018

Señor Xesús: Grazas polas nais que nos deches. Os máis nobres sentimentos que temos, sementounos en nós nosa nai: a fe, a honestidade, o amor ao traballo.

Señor Xesús: Nesta hora de retos e desafíos, as nais necesitan da túa axuda: para atender á casa e ao traballo, para facer de pai e nai, para educar nos valores cristiáns.

Señor Xesús: Que a Virxe Nai as encha de fortaleza.

Señor Xesús: Que a Virxe María siga sendo modelo de todas as nais. 

Señor Xesús: Que tamén elas loiten pola xustiza e que confíen no Deus dos pobres: O Deus que quere pan en todas as mesas e paz en todos os fogares; o Deus que destrúe o poder corrompido e protexe aos indefensos e humillados.

Señor Xesús: Ilumina a vida das nosas nais. Premia os seus desvelos e traballos. Dá paz ás nais xa defuntas. Bendí a todos os fogares. E que os fillos sexan sempre gloria e coroa das nais. Amén.